Kya apne paraye se ho jate hai......

Kuch roz pehle ek gareeb ke shaadi me, sankdo ko nachte dekha,
Aur kal raat ek aamir ke ladke ki shadi me, sankdo ko khana khate dekha..

Uss roz kushi kuch jyada this shayad, aur duao bhi kam na thi,
Aur kal raat lifafe to shayad bahut the, magar duae utni nahi..

Uss roz har bacha khush tha, jaise kisi apne ke shaadi ho,
Aur kal raat kisi bache ko shayad hein pata tha ke shaadi hai kiski..

Uss roz dulhe ke khane ke baad sab ne khaya, aur intezar bahut lamba tha,
Aur kal raat khane wale kha ke chale gaye, ladke aur kuch dost bas baki the..

Kya paise se dosti kam, rishte kam ho jate hai, kya apne paraye se ho jate hai.........

Na Jane ye kaun se daud hai.....

Na Jane ye kaun se daud hai, magar har koi yaha daude chala ja raha hai,
Na Jane ye kaun ye raste jate kaha hai, magar har koi bas chale ja raha hai.....


Subah se sham aur sham se subah, bas raat din ek kiye ja raha hai,
Na ghar ka pata hai na pariwar ka, bas sukh suvidha ke daud me daude ja raha hai.......


Ghar me jaha kabhi ek pankha bhi na tha, aaj har room me AC hai,
Magar na jane wo pehle wali se neend ab aati kyon nahi.......


Na Jane ye kaun se daud hai, jisme har koi daude ja raha hai, bas daude ja raha hai..........

Na jane kyon ye sunsaan raat, kisi ke kadmo ki aahat ka intezar kar rahi hai...

Na jane kyon ye sunsaan raat, kisi ke kadmo ki aahat ka intezar kar rahi hai,
Na jane kyon ye sawere ka pehla pehar, kisi ka ek nazar didar ke aas lagaye baitha hai...


Na jane kyon ye garam hue jameen, kisi badal ke barasne ka intezar kar rahi hai,
Na jane kyon ye barish ke bundo me, kisi bache ki muskurahat ki khwahish kar rahi hai....


Na jane kyon ye thaki hue se aankhen, kisi ke hansi dekhne ka intezar kar rahi hai,

Na jane kyon ye ruh hai bekaarar, kis dil ke ye chu jane ka intezar kar rahi hai.....

Na jane kyon ye dhadakta dil, kisi ke meethi se awaaz sunane ki guzarish kar raha hai,

Na jane kyon es pehli barish me, hamara bhi ek khashti chalane ka mann kar raha hai....

Na jane kyon ye bad naseeb kismat, kisi kimat wale ka yu intezar kar rahi hai,

Na jane kyon ye thaki hue se aankhen, kisi ke hansi dekhne ka intezar kar rahi hai.....

Shayad ab ye intezar ab meri zindagi ka hissa sa ban chuka hai.....

Shayad ye intezar ab meri zindagi ka hissa sa ban chuka hai,
Shayad ye akelapan ab mujhe apna sa lagne laha hai,
Shayad ye suni raho pe chalna mujhe aacha sa lagne laha hai,
Shayad en benaam eaasto ko ab mere naam se jana jane laga hai......

Shayad ye kali raatein mujhse kuch sawaal puch rahi hai,
Shayad ye nam sansein mujhse kuch bolna chah rahi hai,
Shayad roz ke kash ma kash me ye awaaz kahi dabi ja rahi hai,
Shayad ye kalam kuch likhte likhte ruki se ja rahi hai........

Shayad roz ke tarah ye raat bhi beet jane wali hai,
Shayad hamesha ki tarah ye kalam phir ruk jane wali hai,
Shayad kuch sawaal yun hein bina jawab ke reh jane wale hai,
Shayad kuch jawabo ke bina ye sawaal raat me kho jane wale hai...........

Shayad kal savera kuch naya apne saath lane wala hai,
Shayad har sham wahi tanhayi bhari raat apne saath lane wali hai,
Shayad kuch sawaal yunhi alfajo me so jane wale hai,
Shayad en benaam eaasto ko ab mere naam se jana jane laga hai......